Ֆինանսական կառավարում ոչ մասնագետների համար

Դասընթացի նկարագրություն`

Այս դասընթացի նպատակն է սովորեցնել դասընթացի մասնակիցներին ֆինանսական կառավարման բոլոր հիմնական ուղղությունները: Դասընթացը ներառում է ֆինանսական հաշվետվությունների պատրաստման սկզբունքները, դրանց վերլուծությունը, արդյունավետ կառավարչական հաշվետվությունների պատրաստման սկզբունքները, բյուջետավորման և կանխատեսումների մասին պրակտիկ գիտելիքներ, ինչպես նաև ներդրումների գնահատման տեխնիկաներ:

Դասընթացի օգտակարությունը Ձեր և Ձեր ընկերության համար

Այս դասընթացը հնարավորություն է տալիս մասնակիցներին հասկանալու ֆինանսական կառավարում առարկան և դրա կիրառությունը գործնականում: Ձեռքբերված գիտելիքներն ու հմտությունները թույլ կտան աշխատանքային գործընթացում հասկանալու, կիրառելու և մեկնաբանելու ֆինանսական կառավարման տարրերը և տեխնիկաները անկախ մասնագիտությունից: Այս ամենից շահելու է ոչ միայն մասնագետը, այլև ամբողջ ընկերությունը, քանզի կազմակերպության աշխատակիցների ֆինանսական գրագիտության բարձրացումը կնպաստի ընկերության ներսում ֆինանսական և ոչ ֆինանսական բաժինների արդյունավետ փոխհամագործակցությանը, ինչպես նաև որոշումների կայացման արդյունավետության բարձրացմանը:

Նպատակային խումբ

Այս դասընթացը նախատեսված է ինչպես ոչ ֆինանսիստների, այնպես էլ ֆինանսական կառավարման հետ առընչություն ունեցող մասնագետների համար:

Ֆինանսական կրթություն չունեցող մասնագետները կսովորեն օգտագործել ֆինանսական ցուցանիշները որոշումներ կայացնելիս, կտիրապետեն ծախսերի տեսակներին և կառավարչական հաշվետվությունների արդյունավետ պատրաստման և ներկայացման հմտություններին, ինչպես նաև կծանոթանան ֆինանսական կառավարման բազմաթիվ այլ գաղափարների հետ:

Այս դասընթացը կարող է օգտակար լինել նաև հաշվապահների համար, եթե վերջիններս պատրաստում և վերլուծում են ֆինանսական հաշվետվություններ:

Այս դասընթացը կարող է արդյունավետ լինել նաև տնօրենների և կազմակերպության այլ շահագրգիռ ղեկավար անձանց համար` ֆինանսական հաշվետվությունները ավելի լավ կիրառելու և արդյունավետ որոշումներ կայացնելու տեսանկյունից։

Ի՞նչ կսովորեն մասնակիցները`

Ֆինանսական հաշվետվությունների մասով

• Հասկանալ հաշվապահական հիմնական սահմանումները և սկզբունքները
• Հասկանալ ֆինանսական հաշվետվությունների բովանդակությունը, հիմնական տիպերը և տարրերը
• Բացատրել ֆինանսական հաշվետվությունների վերլուծության կարևորությունը ընկերության և կապիտալ ներդրողների համար
• Սահմանել ֆինանսական հաշվետվությունների օգտագործողներին և նրանց պահանջները
• Սովորել օգտագործել ֆինանսական հաշվետվությունները կազմակերպության գնահատման համար:

Ֆինանսական վերլուծությունների մասով

• Հասկանալ և գործնականում կիրառել ֆինանսական հաշվետվությունների վերլուծությունը
• Ֆինանսական ցուցանիշների հաշվարկի և մեկնաբանման միջոցով– վճարունակության, շահութաբերության, ակտիվների կառավարման, ֆինանսավորման կառուցվածքի ցուցանիշների միջոցով
• Ֆինանսական հաշվետվությունների հորիզոնական համեմատական վերլուծության միջոցով
• Ֆինանսական հաշվետվությունների ուղղահայաց համեմատական վերլուծության միջոցով
• Ֆինանսական հաշվետվությունների վրա կիրառել վերլուծական տեխնիկա և միջոցներ` որոշումների կայացման համար օգտակար տեղեկատվության ստացման նպատակով
• Հասկանալ ֆինանսական ցուցանիշների վերլուծության սահմանափակումները:

Կառավարչական հաշվետվությունների և որոշումների կայացման մասով

• Հասկանալ և տարբերակել ծախսերի տեսակները
• Գնահատել կարճաժամկետ որոշումների կայացման վրա ազդող գործոնները
• Հասկանալ արդյունավետ      կառավարչական      հաշվետվություների      պատրաստման սկզբունքները
• Կիրառելով MS    Excel   &    MS    Power   point   ծրագրերը    սովորել    կառավարչական հաշվետվությունների ներկայացման արդյունավետ ձևեր:

Բյուջետավորման և կանխատեսումների մասով

• Սովորել բյուջեի/պլանավորման նպատակը, գործընթացը, տեսակները
• Սովորել կանխատեսման տեխնիկան, տարբերակել այն պլանավորումից
• Ստանալ պրակտիկ խորհուրդներ կանխատեսման և կառավարչական հաշվետվությունների պատրաստման համար:

Ներդրումների գնահատման մասով:

• Սովորել պրակտիկայում ներդրումային ծրագրերի գնահատման մեթոդների կիրառությունը և տարբերությունները
• Հասկանալ փողի ներկա զուտ արժեքը (NPV, IRR):

Դասավանդման  մեթոդաբանություն

• Ներկայացում
• Էլեկտրոնային ուսուցման միջոցների կիրառում
• Խմբակային ինտերակտիվ վարժություններ
• Քննարկումներ
• Կարճ հարցումներ
• Դեպքերի ուսումնասիրություն
• MS Excel & MS Power point ծրագրերի կիրառություն