Շուկայական ռիսկի կառավարում: Տոկոսադրույքի եւ արտաժույթի փոխարժեքի ռիսկի կառավարում

Այս դասընթացը ներկայացնում է շուկայական ռիսկը. շուկայական ռիսկը շուկայական գների հակադիր փոփոխությունների պատճառով ֆինանսական ակտիվներում կամ գործիքներում բանկի դիրքերի փոփոխության հետեւանքով առաջացած ռիսկն է։ Բանկերը դիտարկում են շուկայական ռիսկը, քանի որ նրանք արժեթղթային գործարքներ են իրականանցում՝ ռիսկի ենթարկելով իրենց սեփական կապիտալը, եւ, ըստ անհրաժեշտության, օգտագործում են ֆինանասական գործիքներ։ Շուկայական ռիսկերի կառավարման ձախողումը կարող է էական ազդեցություն ունենալ բանկի շահութաբերության եւ համբավի վրա։ Այս դասընթացը ներկայացնում է շուկայական ռիսկերի գնահատման եւ կառավարման տարաբնույթ մոտեցումներ` ներառյալ միջազգային ստանդարտներով հաստատված մոտեցումները։

Մասնակիցները ձեռք կբերեն հիմնավոր գիտելիքներ տոկոսադրույքի եւ արտարժույթի փոխարժեքի ռիսկերի կառավարման վերաբերյալ։ Մասնակիցները նաեւ կկարողանան իրենց կազմակերպություններում կիրառել տոկոսադրույքի եւ արտարժույթի փոխարժեքի ռիսկերի կառավարման սթրես-թեստավորման եւ մոդելների մշակման գործնական գիտելիքները։

Այս դասընթացը նախատեսված է այն անձանց համար, ովքեր զբաղվում են ռիսկերի կառավարման գործընթացներով կամ հանդիսանում են ներքին աուդիտորներ, ֆինանսական վերլուծաբաններ, հաշվետու աշխատակիցներ։ Դասընթացը նաեւ կհետաքրքրի այն անձանց, ովքեր ծանոթ են ռիսկերի կառավարման հիմունքներին։